Posted by: ਡਾ. ਹਰਦੀਪ ਕੌਰ ਸੰਧੂ | ਅਕਤੂਬਰ 25, 2011

ਦੀਵਿਆਂ ਦੀ ਦੀਵਾਲੀ


ਮਿੱਟੀ ਦਾ ਦੀਵਾ

ਦੀਵਾਲ਼ੀ ਦੀ ਰਾਤ ਨੂੰ

ਹਨ੍ਹੇਰੀ ਕੋਠੜੀ ‘ਚ

ਬੈਠਾ ਇੱਕ ਖੂੰਜੇ ਲੱਗਿਆ

ਵਿਰਲਾਂ ‘ਚੋਂ ਦੀ ਝਾਕਦਾ

ਤੇ ਇੱਕੋ ਟਕ ਨਿਹਾਰਦਾ

ਕਿਸੇ ਬਨ੍ਹੇਰੇ ‘ਤੇ ਲੱਗੀਆਂ

ਟਿਮਟਮਾਉਂਦੀਆਂ ਮੋਮਬੱਤੀਆਂ ਨੂੰ

ਕਿਸੇ ਜੰਗਲੇ ‘ਤੇ ਜਗਮਗਾਉਂਦੀਆਂ

ਰੰਗ-ਬਿਰੰਗੀਆਂ ਲੜੀਆਂ ਨੂੰ

ਤੇ ਮਨ ਹੀ ਮਨ

ਸ਼ਾਇਦ ਆਵਦੇ ਬੀਤੇ ਦੀ

ਬਾਤ ਬੈਠਾ ਪਾਉਂਦਾ

ਓਹ ਵੀ ਦਿਨ ਸਨ

ਜਦ ਹੁੰਦੀ ਸੀ

ਦੀਵੇ ਦੀ ਸਰਦਾਰੀ

ਪੁੱਛ ਓਸ ਦੀ ਹੋਰ ਵੱਧ ਜਾਂਦੀ

ਜਦ ਆਉਂਦੀ ਸੀ ਦੀਵਾਲ਼ੀ

ਸਾਨੂੰ ਸਾਰਿਆ ਨੂੰ ‘ਕੱਠੇ ਕਰਕੇ

ਬੇਬੇ ਬੱਠਲ਼ ‘ਚ ਸੀ ਪਾਉਂਦੀ

ਠੰਢੇ-ਠੰਢੇ ਪਾਣੀ ਨਾਲ਼

ਡੋਬ-ਡੋਬ ਨਹਾਉਂਦੀ

ਆਥਣ ਵੇਲੇ ‘ਕੱਲੇ-‘ਕੱਲੇ ਦਾ

ਮੂੰਹ-ਮੱਥਾ ਪੂੰਝਦੀ

ਸਰੋਂ ਦਾ ਤੇਲ

ਹਰ ਦੀਵੇ ‘ਚ ਪਾਉਂਦੀ

ਰੂੰ ਦੀਆਂ ਵੱਟੀਆਂ ਬੱਤੀਆਂ

ਹਰ ਦੀਵੇ ‘ਚ ਟਿਕਾਉਂਦੀ

‘ਨ੍ਹੇਰਾ ਹੁੰਦੇ ਹੀ ਅਸੀਂ

ਜੁਗਨੂੰ ਬਣ ਟਿਮਟਿਮਾਉਂਦੇ

ਸਾਡੇ ‘ਚੋਂ ਦੋ-ਦੋ ਦੀਵੇ

ਪਿੰਡ ਦੀ ਫਿਰਨੀ

ਗੁਰਦੁਆਰੇ ਤੇ ਵੱਡੇ ਦਰਵਾਜ਼ੇ

ਬਾਹਰਲੇ ਘਰ ਵਾਲੀ ਰੂੜੀ

ਬੁੱਢ਼ੇ ਬੋਹੜ ਵਾਲੇ ਚੁਗਲ -ਚੌਂਕ

ਖੇਤ ਵਾਲੀ ਮੋਟਰ

 

ਸਾਂਝਾ ਖੂਹ

ਤੇ ਨਾਲੇ ….

 ਪਿੱਤਰਾਂ ਦੀ ਸਮਾਧ ‘ਤੇ

ਆਪਣੇ-ਆਪਣੇ ਹਿੱਸੇ ਦੀ

ਰੌਸ਼ਨੀ ਸੀ ਖਿੰਡਾਉਂਦੇ

ਬਾਕੀ ਦੇ ਸਾਥੀ ਦੀਵੇ

ਘਰ ਦੇ ਬਨੇਰਿਆਂ ‘ਤੇ

ਇੱਕ ਦੂਜੇ ਨਾਲ ਜੁੜ ਬੈਠ ਕੇ

ਤੇਲ ਦੇ ਆਖਰੀ ਕੱਤਰੇ ਤੱਕ

ਗਈ ਰਾਤ ਤੱਕ …….

ਘਰ ਦੇ ਵਿਹੜੇ ਨੂੰ

ਰਹਿੰਦੇ ਸੀ ਜਗਮਗਾਉਂਦੇ !

 

ਹਰਦੀਪ

Advertisements

Responses

  1. जीवन और आस्थाके प्रतीक दीपक का भावपूर्ण और सारगर्भित चित्रण ।इस सुन्दर रचना के लिए बधाई हरदीप जी

  2. bahut hi sohni kavita hai , tusin sanjha punjab nu vee bhejo , maenun bahut bahut pasand ayee …tusin jiven poore culture de tasveer hi khich ditti hai , salam tuhanu

  3. ਹਰਦੀਪ ਜੀ,ਫਿਰ ਵੀ ਦੀਵਾਲੀ ਮੁਬਾਰਕ

  4. ਸਿਰਫ ਸਲਾਹ ਹਿਤ

    ਦੀਵੇ ਚਾਨਣ ਕਰਿਆ
    ਦੀਵਾਲੀ ਦੀ ਰਾਤ
    ਵਿਹੜਾ ਭਰਿਆ


ਟਿੱਪਣੀ ਕਰੋ ਜਾਂ ਕੁਝ ਪੁੱਛੋ

ਆਪਣੀ ਜਾਣਕਾਰੀ ਹੇਠਾਂ ਭਰੋ ਜਾਂ ਦਾਖਲੇ ਲਈ ਕਿਸੇ ਆਈਕਨ 'ਤੇ ਕਲਿੱਕ ਕਰੋ:

WordPress.com Logo

ਤੁਸੀਂ WordPress.com ਦੇ ਖਾਤੇ ਦੀ ਮਦਦ ਨਾਲ ਟਿੱਪਣੀ ਕਰ ਰਹੇ ਹੋ। ਬਾਹਰ ਹੋਵੋ / ਬਦਲੋ )

Twitter picture

ਤੁਸੀਂ Twitter ਦੇ ਖਾਤੇ ਦੀ ਮਦਦ ਨਾਲ ਟਿੱਪਣੀ ਕਰ ਰਹੇ ਹੋ। ਬਾਹਰ ਹੋਵੋ / ਬਦਲੋ )

Facebook photo

ਤੁਸੀਂ Facebook ਦੇ ਖਾਤੇ ਦੀ ਮਦਦ ਨਾਲ ਟਿੱਪਣੀ ਕਰ ਰਹੇ ਹੋ। ਬਾਹਰ ਹੋਵੋ / ਬਦਲੋ )

Google+ photo

ਤੁਸੀਂ Google+ ਦੇ ਖਾਤੇ ਦੀ ਮਦਦ ਨਾਲ ਟਿੱਪਣੀ ਕਰ ਰਹੇ ਹੋ। ਬਾਹਰ ਹੋਵੋ / ਬਦਲੋ )

Connecting to %s

ਸ਼੍ਰੇਣੀਆਂ

%d bloggers like this: